မည်သည့် အစိုးရရှေ့ နေမဆို ဂျူရီလူကြီးများနှင့် စစ်ဆေးစီရင်သော အမှုများတွင် ဂျူရီလူကြီးများ၏ ဆုံးဖြတ်ချက်မတင်ပြမီ၊ ၎င်းအပြင် အခြားအမှုများ၌ စီရင်ချက်မချမီ လူတစ်ယောက်ကို ၎င်းအပေါ် စွဲဆိုထားသောအမှုမှ ယေဘုယျအားဖြင့်ဖြစ်စေ၊ ၎င်းကို ကြားနာ စစ်ဆေးနေသည့် ပြစ်မှုများအနက် ပြစ်မှုတစ်ရပ်နှင့် စပ်လျဉ်း၍ဖြစ်စေ၊ ပြစ်မှုအများနှင့် စပ်လျဉ်း၍ ဖြစ်စေ တရားရုံး၏ သဘောတူညီချက်ဖြင့် ရုပ်သိမ်းနိုင်သည်။ ထိုကဲ့သို့ ရှုပ်သိမ်းသောအခါ –

(က) စွဲချက်မတင်မီ ရုပ် သိမ်းခြင်းဖြစ်လျှင် တရားခံကို အဆိုပါ ပြစ်မှု၊ သို့မဟုတ် ပြစ်မှုများနှင့်စပ်လျဉ်း၍ စွဲချက်မတင်မီ လွှတ်ရမည်။

( ခ ) စွဲချက်တင်ပြီး နောက်မှ ရုပ် သိမ်းခြင်းဖြစ်လျှင်၊ သို့မဟုတ် ကျင့်ထုံး ဥပဒေအရ စွဲချက်တင်ရန် မလိုအပ်သည့်အခါ အဆိုပါ ပြစ်မှု၊ သို့မဟုတ် ပြစ်မှုများနှင့် စပ်လျဉ်း၍ အမှုမှအပြီးအပြတ်လွှတ်ရမည်။