မည်သူကိုမဆို စစ်ဆေးစီရင်စေရန် စွဲချက်မပါဘဲ၊ သို့မဟုတ် မစုံလင်သည့်၊ သို့မဟုတ်၊ မှားယွင်းသည့် စွဲချက်ဖြင့် လွှဲအပ်တင်ပို့သည့်အခါ စွဲချက်များနှင့် စင်လျဉ်းသည့် နည်းဥပဒေများကို ထောက်ချင့်၍ တရားရုံး၊ သို့မဟုတ် တရားရုံးအရာရှိက စွဲချက်တင်ခြင်း၊ သို့မဟုတ် စွဲချက်ဖြည့်သွင်းခြင်း၊ သို့မဟုတ် စွဲချက်၌ ပြင်ဆင်ပြောင်းလဲခြင်းများ ပြုလုပ်နိုင်သည်။

ဥပမာများ

(၁) A သည် C ကို သတ်မှုဖြင့် စွဲချက်တင်ခံရသည်။ C ကို သတ်ရန် အားပေးကူညီမှုနှင့်လည်း စွဲချက်ကို ထပ်မံ၍ ဖြည့်သွင်းခြင်း၊ သို့မဟုတ် အစားထိုးခြင်းများ ပြုလုပ် နိုင်သည်။

(၂) A သည် ပြစ်မှုဆိုင်ရာဥပဒေပုဒ်မ ၄၆၇ အရ အဖိုးတန် စာတမ်းအမှတ် အသားကို လိမ်လည်အတုပြုမှုဖြင့် စွဲချက်တင်ခံရသည်။ ပုဒ်မ ၁၉ ၃ အရ မမှန်သက်သေခံမှုနှင့် လည်း ထပ်မံ၍ စွဲချက်ကို ဖြည့်စွက်တင်နိုင်သည်။

(၃) A သည် ခိုးရာပါပစ္စည့်းဖြစ်ကြောင်းသိလျက်နှင့် ခိုးရာပါပစ္စည်းကို လက် ခံမှုဖြင့် စွဲချက်တင်ခံရသည်။ အမှုစစ်ဆေးကြားနာစဉ် A လက်ဝယ်၌ ဒင်္ဂါးအတုပြုရာတွင် သုံးစွဲ ရန် ကိရိယာတန်ဆာပလာများ ထားရှိကြောင်း ပေါ်ပေါက်လျှင် ပြစ်မှုဆိုင်ရာ ဥပဒေပုဒ်မ ၂ ၃ ၅ အရ စွဲချက်ကို ထပ်မံ မဖြည့်သွင်းနိုင်။