တရားမမှုတွင် အမှုသည်ဖြစ်နေသူတစ်ဦးဦးကို ဆန့်ကျင်စေသည့်သက်သေထင်ရှားအဖြစ် အခြား သူတို့၏အနေအထား သို့မဟုတ် တာဝန်ရှိမှုကို သက်သေထူရန်လိုအပ်သည့်အခါထိုအခြားသူတို့၏ ထွက်ဆိုချက်များသည်ယင်းတို့ကစွဲဆိုသော သို့မဟုတ် ယင်းတို့အားစွဲဆိုသောတရားမမှုရှိပါက ထိုအမှု တွင် အဆိုပါအနေအထား သို့မဟုတ် တာဝန်ရှိမှုနှင့်စပ်လျဉ်း၍ ယင်းတို့ကိုဆန့်ကျင်စေမည့် စပ်ဆိုင်သော အချက်များဖြစ်သည့်ပြင် ယင်းတို့သည် အဆိုပါအနေအထား သို့မဟုတ် အဆိုပါတာဝန်လက်ရှိဖြစ်နေ ခိုက် ထိုသို့ထွက်ဆိုခြင်းဖြစ်လျှင်၊ အဆိုပါထွက်ဆိုချက်များသည်ဝန်ခံချက်များဖြစ်သည်။

ဥပမာများ

A သည် B အတွက်ငှားရမ်းခများကို ကောက်ခံပေးရန်တာဝန်ယူသည်။

C ထံမှ B ရရန်ရှိသော ငှားရမ်းခများကိုကောက်ခံခြင်းမပြုဟု B က A ကိုတရားစွဲသည်။

C သည် B သို့ငှားရမ်းခပေးရန်မရှိကြောင်း A ကငြင်းဆိုသည်။

C က B သို့ငှားရမ်းခပေးရန်ရှိကြောင်း C ၏ပြောဆိုချက်သည်ဝန်ခံချက်ဖြစ်၍၊ C သည် B သို့ငှားရမ်း ခပေးရန် မရှိကြောင်း A ကငြင်းဆိုလျှင် အဆိုပါ C ၏ပြောဆိုချက်သည် A အပေါ်တွင် စပ်ဆိုင်သော အကြောင်းခြင်းရာဖြစ်သည်။