စရိတ်ထောက်ပံ့ကြေးပေးရန် အမိန့်မိတ္တူတစ်စောင်ကို ထောက်ပံ့ကြေးရမည့်သူ အားဖြစ်စေ၊ ၎င်း၌အုပ်ထိန်းသူရှိလျှင် ၎င်း၏အုပ်ထိန်းသူအားဖြစ်စေ၊ ထောက်ပံ့ကြေး ပေးအပ်ခြင်း ခံရမည့်သူအားဖြစ်စေ အခမဲ့ ထုတ်ပေးရမည်။ ၎င်းအပြင် အဆိုပါအမိန့်ကို ယင်းသို့ ထောက်ပံ့ကြေးပေးစေရန် အမိန့်ချမှတ်ခြင်းခံရသူ နေထိုင်ရာ မည်သည့်အရပ်ဒေသရှိ ရာဇဝတ် တရားသူကြီးမဆို အမှုသည်များ မှန်ကန်ကြောင်းနှင့် ပေးရန်ရှိသည့် ထောက်ပံ့ကြေးကို မပေး ခြင်းမှာလည်း မှန်ကန်ကြောင်း ကျေနပ်လက်ခံလျှင် အဆိုပါအမိန့်ကို အတည်ပြုနိုင်သည်။