မည်သူမဆို သက်သေခံနိုင်ခွင့်ရှိသည်။ သို့ရာတွင် အသက်အရွယ်နုနယ်သောကြောင့်သော်လည်း ကောင်း၊ အလွန်အိုမင်းသောကြောင့်သော်လည်းကောင်း၊ ကိုယ်၌ဖြစ်စေ၊ စိတ်၌ဖြစ်စေ ရောဂါစွဲကပ်ခြင်းကြောင့် သော်လည်းကောင်း၊အလားတူဖြစ်သော အခြားအကြောင်းတစ်ခုခုကြောင့်သော်လည်းကောင်း မိမိအား မေးမြန်းသည့်မေးခွန်းများကို နားမလည်နိုင်သူ သို့မဟုတ် ဆင်ခြင်တိုင်းထွာ၍ဖြေဆိုခြင်းမပြု နိုင်သူဟု တရားရုံးကထင်မြင်ယူဆလျှင် ထိုသူကို သက်သေခံခွင့်မပြုရ။
ရှင်းလင်းချက်။ ရူးသွပ်သူတစ်ယောက်သည် မိမိအား မေးမြန်းသည့်မေးခွန်းများကို နားလည်နိုင်စွမ်းလည်းမရှိ၊ ဆင်ခြင်တိုင်းထွာ၍ဖြေဆိုနိုင်စွမ်းလည်းမရှိလောက်အောင် ရူးသွပ်နေသည့် အခြေအနေမျိုး မဟုတ်လျှင် သက်သေခံနိုင်ခွင့်ရှိသည်။