မည်သည့် ပထမတန်း အာဏာရတရားသူကြီး သို့မဟုတ် နယ်ပိုင်ရာဇဝတ်တရားသူကြီးမဆို တစ်စုံ တစ်ယောက်သောသူသည် အချုပ်အနှောင်ခံနေရကြောင်းနှင့် ယင်းသို့ချုပ်နှောင်ထားခြင်း မှာလည်း ပြစ်မှုကျူးလွန်ရာရောက်နေကြောင်း ယုံကြည်ရန်အကြောင်းရှိလျှင် ယင်းတရားသူကြီး သည် ရှာဖွေဝရမ်း ထုတ်ဆင့်နိုင်သည်။ ၎င်းပြင် ယင်းဝရမ်းစာကို အတည်ပြုရန် ညွှန်ကြားခြင်း ခံရသူသည် အဆိုပါ ချုပ်နှောင်ခြင်း ခံနေရသူကို ရှာဖွေနိုင်သည်။ ထိုသို့ ရှာဖွေခြင်းကို ဝရမ်းနှင့်အညီ ဆောင်ရွက်ပြီးနောက် ရှာဖွေတွေ့ရှိရသူကို တရားသူကြီး တစ်ဦးရှေ့သို့ ချက်ချင်းခေါ်ဆောင် သွားရမည်။ တရားသူကြီးသည် အမှု၏ အကြောင်းခြင်းရာအလိုက် သင့်လျော်ရာအမိန့်ကို ချမှတ်ရမည်။