သူတစ်ဦးဦး၏ စိတ်ကိုနာစေရန် အကြံဖြင့်ဖြစ်စေ၊ သူတစ်ဦးဦး၏ ကိုးကွယ်သည့်ဘာသာကို စော်ကားရန် အကြံဖြင့်ဖြစ်စေ သူတစ်ဦးဦး၏ စိတ်ကိုနာစေတန်ရာသည်ကို သို့မဟုတ် သူတစ်ဦးဦး ကိုးကွယ်သည့်ဘာသာကို စော်ကားတန်ရာသည်ကို သိလျက်နှင့်ဖြစ်စေ မည်သူမဆို ကိုးကွယ်ဝတ်ပြုသော နေရာ၌ သော်လည်းကောင်း၊ သင်္ချိုင်း၌သော်လည်းကောင်း၊ အသုဘအခမ်းအနားဆောင်ရွက်ရန် သီးသန့် ထားသည့် နေရာ၌သော်လည်းကောင်း၊ လူ​သေအလောင်းထားရန် သီးသန့်နေရာ၌သော်လည်းကောင်း ကျူးကျော်စော်ကားလျှင် သို့မဟုတ် လူသေအလောင်းကို မဖွယ်မရာပြုလျှင် သို့မဟုတ် အသုဘ အခမ်းအနား ကျင်းပဆောင်ရွက်ရန် စုဝေးနေသူတို့ကို အနှောင့်အယှက်ဖြစ်စေလျှင် ထိုသူကို တစ်နှစ်ထိ ထောင်ဒဏ်တစ်မျိုးမျိုး ဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်။