“တရားသူကြီး” ဆိုသည်မှာ တရားသူကြီးရာထူး အမည်ခံယူသူကိုသာ ဆိုသည်မဟုတ်။ တရားမမှုတွင်ဖြစ်စေ၊ ရာဇဝတ်မှုတွင်ဖြစ်စေ ဆုံးခန်းတိုင်ရောက်စေသည့် စီရင်ချက်ကိုလည်းကောင်း၊ အယူမခံလျှင် ဆုံးခန်းတိုင်ရောက်စေမည့် စီရင်ချက်ကိုလည်းကောင်း၊ အခြားအာဏာပိုင် တစ်ဦးဦးကအတည်ပြုလျှင် ဆုံးခန်းတိုင်ရောက်စေမည့် စီရင်ချက်ကိုသော်လည်းကောင်း ချမှတ်ရန် ဥပဒေအရ အာဏာရသူကိုလည်း ဆိုသည်၊ သို့မဟုတ် ထိုကဲ့သို့သော အာဏာရသော လူစုတွင်ပါဝင်သည့် သူတစ်ဦးဦးကိုလည်း ဆိုသည်။ ဥပမာများ (က) * * * * (ခ) အယူခံခွင့်ရှိသည်ဖြစ်စေ၊ မရှိသည်ဖြစ်စေ ငွေဒဏ်သော်လည်းကောင်း၊ ထောင်ဒဏ်သော် လည်းကောင်း စီရင်နိုင်သည့်စွဲချက်နှင့်စပ်လျဉ်း၍ စီရင်ပိုင်ခွင့်အာဏာရှိသော တရားသူကြီးသည် တရားသူကြီးဖြစ်သည်။ (ဂ) * * * * (ဃ) စွဲချက်တစ်ခုခုကို စစ်ဆေးရန်သာအာဏာရှိ၍ ထိုစွဲချက်ကို စစ်ဆေးစီရင်ရန် အခြားရုံးသို့ လွှဲအပ်တင်ပို့ရသော တရားသူကြီးသည် တရားသူကြီးမဟုတ်။