အောက်ဖော်ပြပါ ပြစ်မှုများအနက် ပြစ်မှုတစ်ခုခုကို မတော်မမှန်ပြုသူက ကျူးလွန်လျှင် သို့မဟုတ် ကျူးလွန်ရန် အားထုတ်လျှင် ပုဒ်မ ၉၉ တွင် ဖော်ပြထားသည့် ကန့်သတ်ချက်များကို အထောက်အထား ပြုကာ ထိုမတော်မမှန်ပြုသူကို သေစေရန်သော်လည်းကောင်း၊ အခြားဘေးအန္တရာယ်ဖြစ်စေရန်သော် လည်းကောင်း မည်သူမဆို မိမိအလိုအလျောက်ပြု၍ ပစ္စည်းကို ကာကွယ်ခုခံပိုင်ခွင့်ရှိသည်။ ယင်းတို့မှာ -

ပထမ။ လုယက်မှု။

ဒုတိယ။ ညဉ့်အခါ အိမ်ဖောက်ထွင်းမှု။

တတိယ။ လူနေရန်ဖြစ်စေ၊ ဥစ္စာပစ္စည်းထားသိုရန်ဖြစ်စေ အသုံးပြုသည့် အဆောက်အအုံ၊ တဲ သို့မဟုတ် ရေယာဉ်တစ်ခုခုတွင် ကျူးလွန်သည့် မီးဖြင့် အကျိုးဖျက်ဆီးမှု။

စတုတ္ထ။မကာကွယ်မခုခံဘဲနေပါက သေဘေးကို သို့မဟုတ် အပြင်းအထန် နာကျင်ခြင်း ခံရမည်ကို စိုးရိမ်ရန် အကြောင်းရှိအောင် ကျူးလွန်သည့် ခိုးမှု၊ အကျိုးဖျက်ဆီးမှု သို့မဟုတ် အိမ်ကျော်နင်းမှု။