လူတစ်ယောက်သည် တစ်စုံတစ်ခုကို ပြုလုပ်ခဲ့ခြင်းကြောင့်ဖြစ်စေ၊ ယင်းသို့ ပြုလုပ်ရာမှ ပေါ်ပေါက်လာသော အကျိုးဆက် တစ်ခုခုကြောင့်ဖြစ်စေ ပြစ်မှုတစ်ရပ်ကို ကျူးလွန်ခဲ့သည်ဟု စွပ်စွဲခြင်း ခံရသောအခါ အဆိုပါ အမှုကို ပြုလုပ်သည့်အရပ်တွင် စီရင်ပိုင်ခွင့် အာဏာရှိသော တရားရုံးက သော်လည်းကောင်း၊ အကျိုးဆက် ဖြစ်ပေါ်ရာအရပ်တွင် စီရင်ပိုင်ခွင့်အာဏာရှိသော တရားရုံးကသော်လည်ကောင်း ယင်းပြစ်မှုကို အားမဆင်များနိုင်သည် သို့မဟုတ် စုံစမ်းစစ်ဆေး စီရင်နိုင်သည်။

ဥပမာများ

(က) A သည် X တရားရုံး၏ စီရင်ပိုင်ခွင့်နယ်မြေအတွင်း ထိခိုက်ဒဏ်ရာရရှိပြီးနောက် Z တရား ရုံး၏ စီရင်ပိုင်ခွင့် နယ်နိမိတ်အတွင်း သေဆုံးသည်။ လူသတ်မှုမမြောက်သည့် ရာဇဝတ် ပြစ်ဒဏ်ထိုက်သော လူသေမှုကို X တရားရုံးက ဖြစ်စေ၊ Z တရားရုံးကဖြစ်စေ စုံစမ်း စစ်ဆေး စီရင် ပိုင်ခွင့်ရှိသည်။

(ခ) A သည် X တရားရုံး၏ စီရင်ပိုင်ခွင့်နယ်မြေအတွင်း ထိခိုက်ဒဏ်ရာရရှိပြီးနောက် Y တရား ရုံး၏ စီရင်ပိုင်ခွင့်နယ်မြေအတွင်း တစ်ဆယ်ရက်၊ Z တရားရုံး၏ စီရင်ပိုင်ခွင့် နယ်မြေ အတွင်းတွင် တစ်ဆယ်ရက်၊ ၎င်းတရားရုံး နှစ်ရုံး၏ စီရင်ပိုင်ခွင့်နယ်မြေ နှစ်ရပ်အတွင်း မိမိလုပ်ဆောင်မြဲ အလုပ်အကိုင်တို့ကို မလုပ်မကိုင်နိုင် ဖြစ်ခဲ့ရသည်။ A ကို ပြင်းထန်စွာ ထိခိုက်ဒဏ်ရာ ရစေသည့် ပြစ်မှုကို X တရားရုံးကဖြစ်စေ၊ Y တရားရုံးကဖြစ်စေ၊ Z တရား ရုံးကဖြစ်စေ စုံစမ်းစစ်ဆေး သို့မဟုတ် စစ်ဆေးစီရင်နိုင်သည်။

(ဂ) A သည် X တရားရုံး၏ စီရင်ပိုင်ခွင့် နယ်မြေအတွင်း နာကျင်အောင် ပြုလုပ်မည်ဟု ခြိမ်းခြောက်ခြင်းခံရပြီးနောက် Y တရားရုံး၏ စီရင်ပိုင်ခွင့်နယ်မြေအတွင်း ခြိမ်းခြောက်သူ ကို ပစ္စည်းပေးအပ်ရန် တိုက်တွန်းခြင်းခံရသည်။ A အပေါ် ခြောက်လှန့်တောင်းယူသည့် ပြစ်မှုကို X တရားရုံးကဖြစ်စေ၊ Y တရားရုံးကဖြစ်စေ စုံစမ် စုံစမ်းစစ်ဆေး သို့မဟုတ် စစ်ဆေးစီရင်နိုင်သည်။