တစ်ဦးထက်ပိုသောသူများကို ပြစ်မှုတစ်မျိုးတည်းအတွက်အမှုတစ်ခုတည်းတွင် အတူပူးတွဲလျက် စစ်ဆေးစီရင်သည့်အခါ ထိုသူများအနက် တစ်ဦးတစ်ယောက်သောသူက ပေးသောဖြောင့်ချက်သည် မိမိ နှင့် အခြားသူတစ်ဦးအပေါ်တွင် ထိခိုက်စေသည့်ဖြောင့်ချက်ဖြစ်ကြောင်း သက်သေထင်ရှားရှိလျှင် ထိုဖြောင့်ချက်ကိုဖြောင့်ချက်ပေးသူအပြင် အဆိုပါ အခြားသူအပေါ်တွင်လည်းတရားရုံးကထည့်သွင်း စဉ်းစားနိုင်သည်။

ရှင်းလင်းချက်။ ။ဤပုဒ်မတွင် အသုံးပြုထားသည့် “ပြစ်မှု” ဆိုသည့်စကားတွင် ထိုပြစ်မှုကိုအားပေးကူ ညီခြင်း သို့မဟုတ် ထိုပြစ်မှုကို ကျူးလွန်ရန် အားထုတ်ခြင်းလည်းပါဝင်သည်။

ဥပမာများ

(က) A နှင့် B တို့အား C ကိုသတ်မှုဖြင့် တစ်မှုတည်းတွင်အတူပူးတွဲစစ်ဆေးစီရင်သည်။ A က “B နှင့် ကျွန်တော် C ကိုသတ်သည်” ဟုပြောကြောင်း သက်သေထင်ရှားရှိသည်။တရားရုံးသည်ထိုဖြောင့်ချက် ၏အကျိုးသက်ရောက်မှုကို B အပေါ်တွင်ထည့်သွင်းစဉ်းစားနိုင်သည်။

(ခ) A အား C ကိုသတ်မှုဖြင့် စစ်ဆေးစီရင်သည်၊ C ကို A နှင့် B တို့သတ်ကြောင်းနှင့် B က “A နှင့် ကျွန်တော် C ကိုသတ်သည်” ဟုပြောကြောင်းသက်သေခံချက်ရှိသည်။

ဤပြောဆိုချက်ကို A အပေါ်တွင် တရားရုံးကထည့်သွင်းစဉ်းစားခြင်းမပြုနိုင်။ အဘယ့်ကြောင့်ဆိုသော် B ကို တစ်မှုတည်းတွင်ပူးတွဲစစ်ဆေးစီရင်ခြင်းမပြုသောကြောင့်ဖြစ်သည်။