(၁)     တရားရှုံးကို ဖမ်းဆီးရန် ဝရမ်းထုတ်ပြီးနောက် မည်သည့်အခါမဆို တရားရုံးသည် တရားရှုံးအပြင်းအထန် နာမကျန်းဖြစ်သည်ကို အကြောင်းပြု၍ ထိုဝရမ်းကို ပယ်ဖျက်နိုင်သည်။

(၂)      တရားရှုံးအား ဖမ်းဆီးထားသည့်အခါ ၎င်းသည် တရားမအကျဉ်းထောင်၌ ချုပ်နှောင်ထားရန် ကျန်းမာရေး အခြေအနေ ကောင်းမွန်ခြင်း မရှိဟု ထင်မြင်ယူဆပါက တရားရုံးသည် ထိုသူအား လွှတ်ပေးနိုင်ပါသည်။

(၃)     တရားရှုံးကို တရားမအကျဉ်းထောင်သို့ ပို့ထားသည့်အခါ –

(က) ကူးစက်ပြန့်ပွားတတ်သော ရောဂါရှိသည်ကို အကြောင်းပြု၍ နိုင်ငံတော် သမ္မတက ၎င်းအား လွှတ်နိုင်သည် သို့မဟုတ်

( ခ ) အပြင်းအထန် နာမကျန်းဖြစ်မှု တစ်ခုခုခံစားရသည်ကို အကြောင်းပြု၍ ပို့ခဲ့သောတရားရုံးကဖြစ်စေ၊ ယင်း၏အထက်တရားရုံး တစ်ရုံးရုံးကဖြစ်စေ ၎င်းအား လွှတ်နိုင်သည်။

(၄) ဤပုဒ်မအရ လွှတ်လိုက်သော တရားရှုံးကို ပြန်လည်ဖမ်းဆီးနိုင်သည်။ သို့ရာတွင် တရားမအကျဉ်းထောင်၌ ချုပ်နှောင်ထားသောကာလ စုစုပေါင်းသည် ပုဒ်မ ၅၈ တွင် သတ်မှတ်ထား သော ကာလထက် မကျော်လွန်စေရ။