စာချုပ်စာတမ်းတွင်ပါရှိသော အရေးအသားသည် ရှိနေသောအကြောင်းခြင်းရာများအရ လူအများ သို့မဟုတ် အရာဝတ္ထုအများရှိသည့်အနက်မှ လူတစ်ဦး သို့မဟုတ် အရာဝတ္ထုတစ်ခုခုနှင့်သက်ဆိုင် ကြောင်း အဓိပ္ပာယ်သက်ရောက်နိုင်လျှင် ထို့ပြင်လူတစ်ဦးတစ်ယောက်ထက်ပို၍သော်လည်းကောင်း၊ အရာဝတ္ထုတစ်ခုထက်ပို၍သော် လည်းကောင်း သက်ဆိုင်ကြောင်းအဓိပ္ပာယ် မသက်ရောက်နိုင်လျှင် ထိုလူများ သို့မဟုတ် ထိုအရာဝတ္ထုများအနက်မှ မည်သည့်လူ သို့မဟုတ် မည်သည့်အရာဝတ္ထုနှင့်သက် ဆိုင်စေရန် ရည်ရွယ်ကြောင်းပေါ်လွင်စေမည့် အကြောင်းခြင်းရာများကို သက်သေခံတင်ပြနိုင်သည်။

ဥပမာများ

(က) A က “ကျွန်တော်၏မြင်းဖြူ” ဟု ဆိုသည့်မြင်းကိုငွေကျပ် ၁၀၀၀ နှင့် B အားရောင်းရန်သဘော တူသည်။ A တွင်မြင်းဖြူနှစ်ကောင်ရှိသည်။ ထိုနှစ်ကောင်အနက်မည်သည့်မြင်းကိုရောင်းရန် ရည်ရွယ် သည်ကို ပေါ်လွင်စေသောအကြောင်းခြင်းရာများကို သက်သေခံတင်ပြနိုင်သည်။

(ခ) A သည် B နှင့်အတူထန်းတပင်သို့ လိုက်ပါရန်သဘောတူသည်။ ထန်းတပင်ဆိုရာ၌ မည်သည့်ထန်း တပင်ကိုဆိုလိုကြောင်းပေါ်လွင်စေမည့် အကြောင်းခြင်းရာများကို သက်သေခံတင်ပြနိုင်သည်။