ဥပဒေအရ ပြုပိုင်သူကသော်လည်းကောင်း၊ ဥပဒေကို အယူအဆလွဲခြင်းကြောင့် မဟုတ်ဘဲ အကြောင်းခြင်းရာကို အယူအဆလွဲခြင်းကြောင့် ဥပဒေအရ ပြုပိုင်သည်ဟု သဘောရိုးနှင့် ယုံကြည်သူကသော်လည်းကောင်း ပြုလုပ်လျှင် ထိုသို့ ပြုလုပ်မှုသည် ပြစ်မှုမမြောက်။

ဥပမာ

လူသတ်မှုကို ကျူးလွန်နေသည်ဟု အထင်ရောက်လောက်အောင် Z ပြုမူနေသည်ကို A မြင်ရ၏။ လူသတ်မှုကျူးလွန်နေသူကို မည်သူမဆို ဥပဒေအရ ဖမ်းဆီးနိုင်ခွင့်ရှိသည့်အလျောက် A သည် ဉာဏ်မီသလောက်ဆင်ခြင်၍ ဆိုင်ရာအာဏာပိုင်တို့ထံ ပို့အပ်ရန် Z အား သဘောရိုးဖြင့် ဖမ်းဆီး၏။ Z သည် မိမိကိုယ်ကို ကာကွယ်လိုသော သဘောဖြင့်ပြုခဲ့ကြောင်း နောင်အခါ ပေါ်ပေါက်လာစေကာမူ A သည် Z ကို ထိုသို့ ဖမ်းဆီးခြင်းကြောင့် ပြစ်မှုပြုရာမရောက်။